GYM မှာတွေ့နေကျ စိတ်ပျက်စရာ လူ (၆)မျိုး

 
ယနေ့ခေတ်မှာ ကျန်းမာရေးအတွက်ပဲ ဖြစ်ဖြစ်၊ ခန္ဓာကိုယ်အချိုးကျ လှပစေဖို့ပဲဖြစ်ဖြစ် စက်ပစ္စည်းကိရိယာ စုံစုံလင်လင်ရှိတဲ့ GYM မှာ ကိုယ်လက်လေ့ကျင့်ခန်းတွေ သွားလုပ်တဲ့သူတွေ တစ်နေ့ထက် တစ်နေ့ ပိုမိုများလာပါပြီ။ ဒါပေမယ့် သင်သွားသွားနေတဲ့ GYM မှာ သင့်ကို အကြီးအကျယ် စိတ်ပျက်စေတဲ့ လူ (၆) ဦးကတော့ အမြဲကို ရှိတတ်ပါတယ်။ အဲ့ဒီလူအမျိုးအစားတွေက

၁။ GYM ဆော့ပြီး ဗလတွေ ဘယ်လောက်ထွက်လာကြောင်း ကြွားတတ်တဲ့သူ။
လူတကာရှေ့မှာ သူ့ဗလ ဘယ်လောက်ကြီးကြောင်း ကြွက်သားတွေ ညှစ်ပြတတ်တဲ့ ဗလခပ်ကြီးကြီး အမျိုးသားတွေဟာ GYM တိုင်းမှာ ရှိတတ်ပါတယ်။ သူနဲ့ မျက်လုံးချင်းဆုံတာနဲ့ GYM ဆော့တာ ဘယ်လောက်ကြာပြီလဲဆိုတာက စပြီး သင့်ကိုမေးခွန်းတွေ တရစပ်မေးရင်း သူ့ဗလအကြောင်းကိုပါ ကြွားလုံးထုတ်ပါလိမ့်မယ်။

၂။ အားနေ ဖုန်းထုတ်ပြီး sms ပို့နေတတ်သူ။
တစ်ယောက်ပြီးမှ တစ်ယောက် တက်ပြီးလေ့ကျင့်ရမယ့် စက်ကိရိယာမျိုးတွေပေါ်မှာ ကိုယ်လည်း တကယ်လေ့ကျင့်ခန်း မလုပ်ပဲ ဖုန်းထုတ်ပြီး မကြာခဏ sms ပို့နေတတ်တဲ့သူ သင်သွားနေကျ GYM မှာ သတိထားမိပါသလား။ ဖုန်းနဲ့ sms ပို့ပြီးရင် စက်ပေါ် ပြန်ထိုင်ပြီးကစား၊ ခဏကြာ ပြန်ပို့၊ ပတ်ချာလည်ရိုက်ပြီး လုပ်နေတတ်သူကို ပြောတာပါ။

၃။ GYM ကို မိတ်ကပ်တွေလိမ်းပြီး လာကစားတတ်သူ။
ပွဲတစ်ခုခုက တန်းလာပြီး GYM ၀င်ဆော့တယ်ဆိုရင်တော့ ဒီလူကို နားလည်ပေးလို့ရပေမယ့် GYM ကိုလာတိုင်း မိတ်ကပ်တွေ အထူကြီးလိမ်း၊ mascara တွေဆိုးပြီး ရောက်လာတတ်သူဆိုရင်တော့ အားလုံး အံ့အားသင့်ကြမယ်ထင်ပါတယ်။ GYM မှာက နင်လိမ်းထားတဲ့ မိတ်ကပ်သားအရမ်းကောင်းတယ် လို့ ပြောမယ့်လူမှမရှိပဲနော်။

၎။ တစ်ချိန်လုံး အတူတူ တတွဲတွဲ ဆော့တတ်တဲ့ အတွဲ။
အကြောလျှော့တဲ့အချိန်က စလို့ ဘယ်စက်ပေါ်တက်တက်၊ ဘယ်လို လေ့ကျင့်ခန်းတွေလုပ်လုပ် တစ်ချိန်လုံးအတူတူ လုပ်ပြနေတတ်တဲ့ အတွဲဆိုရင်လည်း စိတ်ပျက်စရာကောင်းတာ အမှန်ပါပဲ။

၅။ အားနေ selfie ရိုက်နေတတ်သူ။
ဘာလေ့ကျင့်ခန်းမှ မလုပ်ရသေးဘူး selfie တစ်ပုံကတော့ ရိုက်ပြီးနေပြီ။ အလေးမလည်း selfie ရိုက်လိုက်တာပဲ။ ဘာစက်ပေါ်တက်တက် selfie ရိုက်ပြီးသားပဲ။ GYM က ရှိသမျှမှန်တွေရှေ့မှာလည်း သူမရိုက်ဖူးတာ မရှိတဲ့သူတွေကလည်း တကယ်တော့ စိတ်ပျက်စရာကောင်းပါတယ်။ လေ့ကျင့်ခန်း လာလုပ်တာလား၊ ဓာတ်ပုံလာရိုက်တာလားလို့ မေးချင်စရာပါ။

၆။ GYM ဆော့ရမှာ ပျင်းတဲ့သူ။
အိမ်က အတင်းတိုက်တွန်းလို့၊ ဒါမှမဟုတ် တခြားလူတစ်ယောက်ယောက်က တွန်းအားပေးလို့ မဆော့ချင်ဆော့ချင် GYM ရောက်လာတဲ့သူတွေဟာ စက်တစ်ခုပေါ်တက် ပျင်းတိပျင်းရွဲနဲ့ သမ်းဝေပြီး ဆော့၊ နောက်တစ်ခုကို ပြောင်းမဆော့ခင် အချိန်အကြာကြီးနားတတ်ကြပါတယ်။ ဒီလိုလူတွေကလည်း အခြား GYM မှာရှိတဲ့သူတွေကို စိတ်ပျက်စေပါတယ်။

Ref:yourtango
trend myanmar မှ ကူးယူဖော်ပြသည်။
www.myanmarbookworld.com