Xiaomi ကထုတ်မယ့် Xiaomi Mi 5c ရဲ့ ဓာတ်ပုံတချို့ ထွက်ပေါ်လာ

  Xiaomi အမှတ်တံဆိပ်နဲ့ ထွက်ရှိလာတဲ့ ဟန်းဆက်တွေဟာ ခုနောက်ပိုင်းမှာ စက်နဲ့လှည့်ထုတ်သလိုကို ထွက်ရှိလာခဲ့ပါတယ်။ သိပ်မကြာသေးမီက Xiaomi Mi 5s နဲ့ Xiaom Mi 5s Plus ဖြန့်ချိခဲ့တာ တွေ့မြင်ရပြီး အခုလည်း Xiaomi Mi Note 2 ကို နိုဝင်ဘာလလယ်မှာ ထွက်ရှိဖို့ ချိန်နေပါတယ်။ ခုတစ်ခေါက် ထုတ်လုပ်မယ့်ဖုန်းမှာ ကုတ်နာမည် 'Meri' နဲ့ ဖုန်းသစ်အကြောင်း ပြောဆိုမှုတွေ ရှိနေပါတယ်။ ဒါဟာ  Xiaomi Mi 5c လို့ ယူဆရပါတယ်။

အဲဒီဖုန်းမှာ သတ္တုကိုယ်ထည်အပြည့်ရယ်၊ Mi 5s မှာထက် အတွင်းပိုင်းပစ္စည်းတွေ အနည်းငယ် ပိုလျှော့နည်းမယ်လို့ ထင်ကြေးပေးမှုတွေ ရှိပါတယ်။ ၅.၅ လက်မ ဖန်သားမျက်နှာပြင်ရှိပြီး ဖုန်းကို MediaTek SoC နဲ့ အားဖြည့်ဆောင်ရွက်ထားပြီး octa-core 2.2GHz CPU ထည့်သွင်း အသုံးပြုထားပါတယ်။ Xiaomi Mi 5s ဟာ Android 6.0. အခြေပြု MIUI 8.6.9.6, နဲ့ မောင်းနှင်လည်ပတ်ပါတယ်။ VoLTE ထောက်ပံ့ပေးထားပြီး 4G LTE ချိတ်ဆက်မှုပါရှိပါတယ်။ ဈေးနှုန်းအနေနဲ့ကတော့ $180-$230 USD ဝန်းကျင် ရှိနိုင်ပါတယ်။

ထွက်ပေါ်လာတဲ့ အဆိုပါ Mi 5c ဓာတ်ပုံတချို့အရ ကျောဘက်ကင်မရာအောက်မှာ ဒေါင်လိုက် E-ink screen တွေ့ရပါတယ်။ ဒါက သတိပေးချက် notifications တွေဖြစ်ဟန်တူပါတယ်။ ဒီ E-ink screen ဟာ အချိန်နဲ့ ရက်စွဲအတွက် အဓိကရည်ရွယ်လုပ်ဆောင်ထား ပုံရပါတယ်။ Ref: Phonearena


trend myanmar မှ ကူးယူဖော်ပြသည်။
www.myanmarbookworld.com