ကိုယ့်ထက်အရပ်ပုတဲ့ အမျိုးသားကို ချစ်သူရည်းစားအဖြစ် တွဲသင့်တဲ့အကြောင်းရင်း (၅)ချက်

ငယ်ငယ်တုန်းက စိတ်ကူးအိပ်မက်တွေထဲမှာ ကိုယ့်ချစ်သူပခုံးလေးကိုမှီပြီး ကိုယ့်ချစ်သူမျက်နှာလေးကို      မော့ကြည့်ကာ ချစ်စကားတီတီတာတာလေးတွေ ပြောတာမျိုးတွေ ရှိခဲ့ပါသလား။ သင်ဟာ အဲ့ဒီအိပ်မက်ကို အကောင်အထည်ဖော်ဖို့ စိတ်ကူးထားခဲ့ရင် ဒါကိုမေ့ပစ်လိုက်ဖို့ တိုက်တွန်းပါရစေ။ ဘာလို့လဲဆိုတော့ အရပ်သိပ်ရှည်တဲ့ အမျိုးသားတွေကို ချစ်သူတော်မိရင် သူတို့ရဲ့ အလိမ်အညာတွေကို ခံရတတ်တယ်ဆိုတဲ့    လေ့လာမှုအဖြေတွေကိုလည်း သင်ကြားပြီးပြီ မဟုတ်လား။ အမျိုးသားနဲ့အမျိုးသမီးမှာ အမျိုးသားတွေက ကိုယ့်ချစ်သူထက် အရပ်ပိုရှည်သင့်တယ်ဆိုပေမယ့် မဖြစ်မနေ ရှည်မှ ဒီအချစ်ရေးခိုင်မြဲမယ်လို့ ပြောထားတာ မဟုတ်ပါဘူး။ အရပ်ပုတဲ့ချစ်သူရည်းစားရထားတာ သင့်အတွက် စိတ်အနှောင့်အယှက် ဖြစ်စရာမ    လိုပဲ ကောင်းကျိုးတွေအများကြီး ရှိနေတယ်ဆိုတာ ပြောပြပါရစေ။

၁။အရပ်ပုတဲ့ ကိုယ့်ချစ်သူက သူ့ထက်ကိုယ်အရပ်ရှည်နေတာကို ဘာမှမဖြစ်ဘူး အေးဆေးပဲဆိုရင်     ကိုယ့်အောင်မြင်မှု၊ ကိုယ့်အစွမ်းအစစတာတွေနဲ့ပတ်သက်ပြီး မနာလိုတာမျိုး မရှိတတ်ပါဘူးတဲ့။

ကိုယ့်ချစ်သူကောင်လေးက ကိုယ့်ထက်အရပ်ပုနေမယ်။ ဒါပေမယ့် သူက ဒါကို စိတ်အနှောင့်အယှက်ဖြစ်စရာလို့ မမြင်ဘူး။ ကိုယ်နဲ့တွဲသွားတိုင်းလည်း သက်တောင့်သက်သာပဲ အေးအေးဆေးဆေး ရှိနေမယ်ဆို ရင် ဒါဟာ သင့်အတွက် ကောင်းသတင်းတွေယူဆောင်လာပါပြီ။ သင်ကအလုပ်မှာ တော်တယ်၊ လ      စာကောင်းတယ်၊ အောင်မြင်မှုတွေ ဆွတ်ခူးတဲ့အခါ ငါကျတော့ သူလောက်မလုပ်နိုင်ပါလားဆိုတဲ့ မနာလိုတဲ့စိတ်မျိုး သင့်ချစ်သူမှာ ရှိမှာ မဟုတ်သလို သင့်ကိုပြိုင်ဆိုင်ချင်တဲ့စိတ်လည်း မရှိပါဘူး။

၂။ ကိုယ့်စီးချင်တဲ့ဖိနပ်ကို စိတ်ချလက်ချစီးနိုင်ပါပြီ။

ကိုယ့်ချစ်သူက ကိုယ့်ထက်ပုတယ်ဆိုတာ သေချာနေပြီမို့ ဟိုဖိနပ်ကမြင့်နေမလား၊ ဒီဖိနပ်က ကိုယ်နဲ့သူ အရပ်အတူတူ ဖြစ်နေမလားဆိုပြီး သိပ်စဉ်းစားစရာ မလိုတော့ပါဘူး။ သူက ကိုယ့်ထက်ပုနေပြီဆိုမှတော့    ကိုယ်ဒေါက်မြင့် ထပ်စီးလည်း ပြသနာတော့မရှိနိုင်တော့ဘူးလေ။

၃။ သုတေသနတွေအရတော့ အရပ်ပုတဲ့လူတွေဟာ အိမ်အလုပ်တွေကို ပိုကူညီလုပ်ဆောင်ပေးတတ်ကြပါတယ်။

၂၀၁၄ခုနှစ်ကတည်းက အမျိုးသားတွေရဲ့ အရပ်အမောင်းနဲ့ပတ်သက်ပြီး သူတို့ရဲ့အချစ်ရေး၊ အိမ်ထောင်ရေးစတာတွေကို လေ့လာမှုတွေပြုလုပ်၊ စစ်တမ်းတွေကောက်ခဲ့ကြဖူးပါတယ်။ အဲ့ဒီတုန်းက ထွက်ရှိခဲ့တဲ့   အဖြေကတော့ အရပ်ပုတဲ့ အမျိုးသားတွေဟာ အိမ်အလုပ်တွေကို ကိုယ့်ချစ်သူ၊ ကိုယ့်အိမ်သူတွေနဲ့အတူ မျှဝေလုပ်ဆောင်မှု ပိုရှိတယ်လို့ ဆိုထားပါတယ်။ သူတို့ဟာ တစ်ပတ်ကို ၈နာရီနဲ့ ၂၈မိနစ်ကြာ အိပ်အလုပ်လုပ်ဆောင်ပေးကြချိန်မှာ အရပ်မြင့်တဲ့အမျိုးသားတွေကတော့ ၇နာရီဝန်းကျင်လောက်သာ လုပ်ပေးတတ်ကြပါတယ်။

၎။ ၀င်ငွေပိုင်းဆိုင်ရာမှာလည်း အရပ်ပုတဲ့အမျိုးသားတွေက ကိုယ့်အိမ်သူကို ပိုပေးနိုင်ကြပါတယ်။

အရပ်ပုတဲ့ အမျိုးသားတွေက ၀င်ငွေပိုကောင်းတာမျိုး မဟုတ်ပေမယ့် အရပ်ပုတဲ့အမျိုးသားတွေထဲက ၇၈ရာခိုင်နှုန်းဟာ သူတို့အိမ်သူတွေကို သူတို့ရရှိတဲ့ဝင်ငွေ ပြန်အပ်နှံတာ၊ သုံးစွဲဖို့ပေးတာမျိုးတွေမှာ အရပ်ရှည်တဲ့ အမျိုးသားတွေထက် ရာခိုင်နှုန်းပိုများနေပါတယ်။ ဒါကဘာကိုပြသလဲဆိုရင် အရပ်ပုတဲ့အမျိုးသားတွေဟာ ကိုယ့်ချစ်သူ ဒါမှမဟုတ် ကိုယ့်အိမ်သူအတွက် ပိုတွေးပေးကြတယ်ဆိုတာပါပဲ။

၅။ အရပ်ပုတဲ့အမျိုးသားတွေဟာ အိမ်ထောင်ကွဲတာ နည်းပါတယ်။

အရပ်ရှည်တဲ့သူတွေနဲ့ ယှဉ်ရင် အရပ်ပုတဲ့အမျိုးသားတွေရဲ့ အိမ်ထောင်ကွာရှင်းတဲ့ရာခိုင်နှုန်း ၃၂ရာခိုင်နှုန်းနည်းပါးပါသတဲ့။ သူတို့ဟာ ခိုင်မြဲတဲ့အချစ်ရေး၊ အိမ်ထောင်ရေးရရှိဖို့အတွက်လည်း အမြဲကြိုးစားအားထုတ်တတ်ကြတယ်လို့ ဆိုပါတယ်။

#သိမှတ်ဖွယ်ရာ

Trend Myanmar မှကူးယူဖော်ပြပါသည်။

www.myanmarbookworld.com

 Ref:cosmopolitan

Photo Credit: Google Image