စုံတွဲ တော်တော်များများမှာ တစ်ယောက်က လိမ်ညာလို့ အခြားတစ်ယောက်က သည်းမခံနိုင်တော့တာကြောင့် ယုံကြည်မှုပျက်သုဉ်းကာ လမ်းခွဲလိုက်ရတဲ့ အကြောင်းတွေ ကြားဖူးမှာပါ။ တစ်ချို့ကိစ္စတွေက ဒီလောက်ထိ မဖြစ်သင့်ပါပဲနဲ့ လမ်းခွဲလိုက်ရတဲ့အထိ ဖြစ်ကုန်ကြတာတွေလည်း ရှိပါတယ်။ ဒါ့ကြောင့် သင့်အနေနဲ့ ကိုယ့်ချစ်သူကို လိမ်ညာရတော့မယ့် အဖြစ်မျိုး ကြုံလာခဲ့မယ်ဆိုရင်တောင် သူ့ကို လိမ်ညာမယ့်အစား ဒီအချက် (၅) ချက်ကိုသာ လုပ်ဆောင်ဖို့ တိုက်တွန်းပါရစေ။
၁။ သင့်ချစ်သူနဲ့ မျက်နှာချင်းဆိုင်တွေ့ပြီး စကားသေချာပြောကြည့်ပါ။
ဒီအချိန်က နှစ်ဦးစလုံး ရိုးသားရမယ့်အချိန်ပါပဲ။ တစ်ခုခုကို လိမ်ညာလုပ်ဆောင်မယ့်အစား သူ့ကို တိုက်ရိုက်ရိုးသားစွာ ပြောဆိုတာ ပိုကောင်းပါတယ်။ မေးစရာရှိရင်လည်း မေးလိုက်ပါ။ သင်သူနဲ့ပတ်သက်ပြီး တောင်းဆိုစရာရှိတာမျိုး ဆိုရင်လည်း သူ့ကိုဖွင့်ဟတောင်းဆိုလိုက်ပါ။ တစ်ခါတစ်လေ တစ်ဖက်လူက ကိုယ်ပွင့်ပွင့်လင်းလင်း မပြောဆိုတာကြောင့် သဘောမပေါက်ပဲ နားလည်မှုလွဲနေတာမျိုးတွေလည်း ရှိတတ်ပါတယ်။
၂။နှစ်ဦးသား ရိုမန်တစ်ဆန်ဆန်လေး ပြန်နေဖို့ သင့်ပါတယ်။
ချစ်သူဖြစ်ခါစက နှစ်ဦးသား ရိုမန်တစ်ဆန်ဆန် နေခဲ့၊ လုပ်ဆောင်ပြုမူခဲ့သမျှ ခုနောက်ပိုင်း ဒါမျိုးတွေ မလုပ်ဖြစ်တော့ဘူး ဆိုတာက တကယ်တော့ လွဲပါတယ်။ နှစ်ဦးသားကြား ရင်ခုန်ကြည်နူးစရာအချိန်လေးတွေ ပျောက်ပျက်မသွားအောင် အချိန်ကြာလေ သင့်ဘက်က ပိုအားစိုက် လုပ်ဆောင်သင့်တာပါ။ ဒီတော့ သင်တို့အချစ်ရေး ပြန်လည် လန်းဆန်းသွားစေဖို့ ဒိတ်လုပ်တဲ့နေရာသစ်လေးတွေ စဉ်းစား၊ ကိုယ့်ချစ်သူကို အံ့သြသွားစေမယ့် အရာမျိုးတွေ လုပ်ဆောင်ပေးပြီး ရိုမန်တစ်ဆန်ဆန်လေး ပြန်လည် ဖြတ်သန်းကြည့်လိုက်ပါ။
၃။ သင်တို့နှစ်ဦးစလုံးကို ချစ်ခင်သဘောကျတဲ့ လူတွေနဲ့မကြာခဏတွေ့ဆုံပါ။
သင်တို့စုံတွဲကို ဘာတွေဖြစ်နေဖြစ်နေ အမြဲစိတ်ဓာတ်ခွန်အားတွေပေးပြီး ချစ်ခင်ကြတဲ့ လူတွေရှိကိုရှိမှာပါ။ အဲ့ဒီလူတွေနဲ့ မကြာခဏတွေ့ပေးပါ။ သူတို့ဟာ သင်တို့နှစ်ဦးရဲ့ ဆွေမျိုး တွေလည်း ဖြစ်ကောင်းဖြစ်နိုင်ပါတယ်။ ငယ်သူငယ်ချင်း၊ လုပ်ဖော်ကိုင်ဖက်တွေလည်း ဖြစ်ကောင်းဖြစ်နိုင်ပါတယ်။ သူတို့တွေနဲ့ သင်တို့စုံတွဲအတူရှိတဲ့အချိန် နှစ်ဦးစလုံး စိတ်သက်တောင့်သက်သာရှိပြီး ပျော်ရွှင်မှုခံစားရတယ်ဆိုရင် ဒီလူတွေဟာ သင်တို့စုံတွဲအတွက် အမြဲတွေ့ဆုံပေးသင့်တဲ့ လူတွေပါပဲ။
၎။ ဘာ့ကြောင့် သူ့ကို ချစ်မြတ်နိုးရတယ်ဆိုတဲ့အကြောင်းလေးတွေ ရေးသားပါ။
အချိန်ကုန်တယ်လို့ မယူဆပဲ သင့်ချစ်သူနဲ့ပတ်သက်ပြီး ဘယ်အရာတွေ သင်သဘောကျနှစ်သက်ရတယ်ဆိုတဲ့ အကြောင်း ချရေးပါ။ သူ့ကြောင့် သင်ဘာတွေ ပြောင်းလဲသွားတယ်ဆိုတာမျိုးတွေ၊ သူမဟာ သင့်အတွက် ဘယ်လိုထူးခြားတယ်ဆိုတာမျိုးလေးတွေ ရေးသားပါ။ ဒီလို လုပ်ခြင်းအားဖြင့် သင်ဟာ အခြားအချစ်ရေးတွေထက် ထူးခြားတဲ့ အချစ်ရေးတစ်ခု ပိုင်ဆိုင်ထားတယ်ဆိုတာ သင့်ကိုယ်သင် သတိပေးသလို ဖြစ်သွားပါလိမ့်မယ်။
၅။ အလွယ်တကူ ဖြေရှင်းလို့ရမယ့်နည်းအစား ရေရှည်အတွက်အဆင်ပြေမယ့် နည်းကိုသာ ရွေးပါ။
သင်တို့နှစ်ယောက် ပြသနာတွေတက်တိုင်း ဒီအချစ်ရေးက ရှေ့ဆက်သွားဖို့တောင် ဖြစ်နိုင်ပါတော့မလားလို့ အမြဲတွေးမိပါလိမ့်မယ်။ သင်ဟာ ဒီအချစ်ကို လက်မလွှတ်နိုင်ဘူး၊ ရှေ့ဆက်သွားသင့်တဲ့ အချစ်ရေးတစ်ခု ဆိုရင်တော့ ပြသနာကို ပြီးပြီးရော မရှင်းပါနဲ့။ အလွယ်တကူ လိမ်ညာပြီး ရှင်းလိုက်တာမျိုးလည်း မလုပ်ပါနဲ့။ ရေရှည်အတွက် အဆင်ပြေမယ့် နည်းကိုသာ သုံးပြီး နှစ်ဦးသားသံယောဇဉ်ပိုမြဲအောင် ကြိုးစားပါ။
www.trend.com မှ ကူးယူဖော်ပြပါသည်။
Ref:cosmopolitan
No comments:
Write comments