ပျင်းရိဖွယ်ကောင်းတဲ့ နေ့တနေ့

ဒီနေ့ဟာဖြင့် ကျုပ်အဖို့ ပျင်း ရိဖွယ်ကောင်းတဲ့နေ့ တစ်နေ့ပါပဲ။ ကျုပ်အခန်းထဲမှာပဲရှိနေတယ်။ အပြင်ဘက်မှာ တန်ဆောင်မုန်းလရဲ့နေရောင် ခြည်ထိုးကျနေတယ်။ ကျုပ်အခန်းထဲမှာ နွေးနေတယ်။ ကျုပ်ပြတင်းပေါက်ကို ဖွင့်ထားတယ်။ ဒါကြောင့် တန်ဆောင်မုန်းလရဲ့ နေရောင်ခြည်ကို မြင်နေရတယ်။ နေရောင်ခြည်ထဲမှာ ဗာဒံပင်က အရွက်စိမ်းစိမ်းတွေ ငြိမ်သက်နေတယ်။ ကျုပ်တော့ ဖြင့် ပျင်းရိနေမိရဲ့။
စားပွဲပေါ်မှာ စာအုပ်တစ်အုပ်ရှိတယ်။ ကျုပ်အကြိမ်ကြိမ်ဖတ်ရှုခဲ့တဲ့ စာအုပ်ပါ။ အဲဒီစာအုပ်ကိုဖွင့်ပြီးကျုပ်ဖတ်တယ်။ ကျုပ်ဖတ်ပြီးသား တွေပဲ။ ဖတ်ရှုရင်း ပျင်းရိလာတာ ကြောင့် စာအုပ်ကို စားပွဲပေါ် ပစ်ချ ထားလိုက်တယ်။ အခန်းထဲမှာ နွေး နေတာကြောင့် နေသာပါတယ်။ ဒီနေ့ ဘာနေ့လဲလို့ ပြက္ခဒိန်ကို ကြည့် မိတယ်။ ဒီနေ့ဟာ ဗုဒ္ဓဟူးနေ့။ ဟုတ် တယ်။ ဒီနေ့ဟာ ဗုဒ္ဓဟူးနေ့။ ကျုပ်ကလည်း ဗုဒ္ဓဟူးသားပါ။ ကျုပ်မွေးရက် ဖြစ်ပေမယ့် ဒီနေ့မှာ ကျုပ်ဘယ်နှယ့်မှ မခံစားရဘူး။
ပြတင်းပေါက်ကနေ နွေးနေတဲ့ လေတွေ နည်းနည်းဝင်ရောက်လာတယ်။ ကျုပ်အခန်းထဲမှာပဲ ငြိမ်ငြိမ်ကလေးထိုင်နေပါတယ်။ နံရံမှာ ဓာတ်ပုံတစ်ပုံရှိတယ်။ ကျုပ်လူငယ် ဘဝက ရိုက်ကူးထားတဲ့ ဓာတ်ပုံပါ။ ဓာတ်ပုံထဲမှာ ကျုပ်ပြုံး ရယ်နေတယ်။ ဓာတ်ပုံထဲမှာ ကျုပ် ပြုံးရယ်နေပေမယ့် ခုတော့ဖြင့် ကျုပ်မရယ်နိုင်တာ ကြာပါပြီ။ ကျုပ်ဖြင့် မရယ်မောခဲ့တာ လတွေကြာခဲ့ပေါ့။ ကျုပ်က မရယ် မောနိုင်ပေမယ့် ရယ်မောနေတဲ့ လူတွေကို မြင်နေရရင်တော့ သဘောကျပါတယ်။ နို့ပေမယ့် ကျုပ် ပတ်ဝန်းကျင်က လူတွေရယ်နေတာ ကို မမြင်ရတာလည်း သီတင်းနှစ် ပတ်လောက်တောင်ရှိပြီလားပဲ။ ကျုပ်မြေးကလေးရောက်လာရင်တော့ ကျုပ်နဲ့စကားပြောရင်း သူသဘော ကျရင် တခစ်ခစ်ရယ်တယ်။ အခု သူကျုပ်ဆီမရောက်လာတာလည်း ကြာပြီလေ။
ဒီနေ့ဟာဖြင့် ပျင်းရိဖွယ် ကောင်းတဲ့နေ့တစ်နေ့ပါပဲ။ ကျုပ်မှာ ဓာတ်ပြားဟောင်းကြီးတစ်ချပ်ရှိ တယ်။ အဲဒီဓာတ်ပြား ဟောင်းကြီး ဒီနေ့ဖွင့်နားထောင်ရင် ကောင်းလိမ့် မလားလို့ စဉ်းစားမိတယ်။ နို့ပေမယ့် ကျုပ်ပျင်းတာကြောင့် ဓာတ်ပြား ဟောင်းကြီးကို မဖွင့်ဘဲ ကျုပ်ဘာသာ ထိုင်နေတယ်။ ကျုပ်စားပွဲပေါ်မှာ မုန့်ြ<ွကပ်တစ်ထုပ်ရှိတယ်။ ကျုပ်ဆာ ရင်စားဖို့ ပေးထားကြတာ။ ကျုပ်က ဗိုက်ဆာရင် မုန့်ကြွပ်ကို ရေနဲ့စိမ်ပြီး စားချင်စားပစ်လိုက်တာ။ ကျုပ်က မုန့်ြ<ွကပ်ကို ကြိုက်ပါတယ်။ ဒါပေမဲ့ အခုကျုပ် ဗိုက်မဆာဘူးလေ။ စားပွဲ ပေါ်မှာ မုန့်ကြွပ်ထုပ်က ဒီအတိုင်း။ ကျုပ်လည်းထိုင်ခုံမှာ ဒီအတိုင်း။ အပြင်ဘက်မှာတော့ တန်ဆောင်မုန်းလရဲ့ နေခြည်နွေးနွေး။ ဗာဒံရွက်တွေက နေရောင်ခြည်ထဲမှာ စိမ်းစိမ်း။ ကျုပ်အခန်းထဲမှာ တိတ်ဆိတ်မှု။ ကျုပ်အခန်းထဲကို အိမ်သားတွေ တစ်ယောက်မှ ရောက်မလာကြဘူး။ သူတို့က ကျုပ်ဘာသာ တစ်ယောက် တည်းရှိနေတာကို ကျုပ်က သဘောကျတယ်လို့ သူတို့ ထင်မှတ်ထားကြပုံပဲ။ သူတို့ ထင် မှတ်ထားတာလည်း မှန်ပါတယ်လို့ ပြောနိုင်ပါတယ်။ အခုတော့ဖြင့် အခန်းထဲမှာ ကျုပ်တစ်ယောက်တည်း။
ဒီနေ့ဟာ ပျင်းရိဖွယ်ကောင်းတဲ့နေ့တစ်နေ့။ ကျုပ် အခန်းနံရံကို ဒီအတိုင်းစိုက်ကြည့်နေမိတယ်။ နှစ်ကာလများစွာ ကျုပ်အကြိမ်ကြိမ်စိုက်ကြည့်နေခဲ့ဖူးတဲ့ အခန်းနံရံပါ။ နံရံက ဟောင်းမြင်းနေပါပြီ။ နံရံက ဆေးရောင်တွေ ပျက်ပြယ်နေပါပြီ။ ဖျော့တော့မှေးမှိန်နေပါပြီ။ ဒီနံရံ ပေါ်မှာ ပြက္ခဒိန်တစ်ခုနဲ့ ဓာတ်ပုံ တစ်ပုံ။ ကျုပ်စားပွဲပေါ်မှာ သတင်း စာတွေရှိတယ်။ သတင်းစာ အဟောင်းတွေပါ။ ကျုပ်တစ်ခါတ လေ သတင်းစာအဟောင်းတွေကို ပြန်ဖတ်တယ်။ ကျုပ်မဖတ်ဖြစ်လိုက် တဲ့ ကြော်ငြာတွေ၊ လမ်းနံပါတ်တွေ၊ ဖုန်းနံပါတ်တွေ လိုက်ဖတ်ကြည့်နေ မိတယ်။ ပြီးရင် သတင်းစာဟောင်းကို စားပွဲပေါ်မှာ ဒီအတိုင်းပစ်ထား လိုက်ရဲ့။ အခန်းထဲမှာ ခုတင်ရှိတယ်။ ခုတင်အောက်မှာ ဆီးအိုးရှိတယ်။ ဆီးအိုးထဲမှာ ကျုပ်သွားထားတဲ့ ဆီးတွေ။ ညနေစောင်းရင်တော့ အိမ်သားတစ်ယောက် ကျုပ်အခန်းထဲကို ရောက်လာလိမ့်မယ်လို့ ထင်မိတယ်။ အခုတော့ဖြင့် အခန်းထဲမှာ ကျုပ်တစ်ယောက်တည်း ပျင်းရိလို့။ ဒီနေ့ဟာဖြင့် ပျင်းရိဖွယ်ကောင်းတဲ့နေ့ တစ်နေ့။
နေမျိုး
(မှတ်ချက် - စာရေးဆရာများ၏ အရေးအသားနှင့် သရုပ်ဖော်ထားသောပုံများ ပြောင်းလဲသွားပါက စာဖတ်သူတို့ ခံစားမှုရသလျော့နည်းသွားမည်စိုး၍ Asian Fame Media Group မှထုတ်ဝေသော ပေါ်ပြူလာဂျာနယ်ပါဖော်ပြချက်များအတိုင်း ကူးယူဖော်ပြရခြင်းဖြစ်ပါသည်။ ပေါ်ပြူလာဂျာနယ်၏ အောင်မြင်နေမှုကို နင်း၍ အောင်ပွဲခံလိုခြင်းမဟုတ်ပါကြောင်းကို စာရေးဆရာများ၊ Asian Fame Media ကုမ္ပဏီမှတာဝန်ရှိသူများနှင့် အယ်ဒီတာများကို ရိုသေစွာအသိပေးအပ်ပါသည်။)